Famia y amistad di Michael Kuiperi a bini hunto pa celebra su 96 aña. E celebracion tabata haci den un forma unico, unda cu a conta cu presencia di Minister di Turismo, prome minister, representante di A.T.A. como A.H.A.T.A. Michael Kuiperi ta e pilar di turismo.
Michael Leo van Romondt, nieto di Michael Kuiperi, a indica cu a duna un homenahe na su welo, kende a cumpli 96 aña. Desde den aña 50 Michael Kuiperi ta traha den sector turistico y a contribui hopi cu turismo di Aruba.
Nan a reuni dilanti e strip di hotel na Palm Beach, dilanti Hilton Resort, cu tabata e prome hotel cu Kuiperi a yuda door di pensa pa bin cu e prome high rise. Kuiperi su contribucion ta di hopi decada, a pusha p’e prome vuelonan directo di Merca pa Aruba. Van Romondt a expresa cu su welo ta e ultimo diputado prome cu Status Aparte di Aruba. Kuiperi tabata director y presidente di AHATA. Incluso pa hopi aña el a dirigi Toeristische Bureau.
Van Romondt a bisa cu su welo semper por papia di turismo cu pasion y por bisa pakico a mira turismo como porta pa Aruba su prosperidad. Esey tabata puramente basa riba e hendenan na Aruba, e cordialidad di hende, e manera cu hende ta trata hende na Aruba.
Pa mas lesa TREMPAN.COM.
