Diabierna alredor di 4:50PM, Polis a presenta na Neptali Park ( banda di Linear Park ) pa un dama bebi drumi den su auto. Varios hende a bati alarma cu nan a purba di lant’e pero no a logra y e no tabata duna ningun reaccion.
Tanto Polis di trafico como Polis di Playa a logra lanta e dama despues di varios intento. E dama tabata maneha un Hyndai Eon color cora numera A-65414. E dama no a compronde e motibo di Polis para na su auto, polis a splik’e bon cla ariba e leynan di Aruba tocante “openbare dronkenschap”.
Polis a opta pa dun’e un “cabe’y boto” pa cas di su amiga den e bario e Paradjis.
