Tankeronan di Iran pa Venezuela ta yegando Caribe

Un flota di 5 tankero cu ta transportando combustibel di Iran pa Venezuela ta yegando Caribe y e prome barco lo yega e awanan Venezolano diadomingo, segun datonan di Eikon di Refinitiv. Iran ta suministrado mas o menos 1.53 miyon di bari di combustibel na Venezuela, segun acuerdo di ambos gobierno, fuente y calculacion realisa pa TankerTrackers.com a base di e nivelnan di tankeronan.

E embracacionnan a causa un enfrentacion diplomatico entre Iran, Venezuela y Merca ya cu e dos promenan pais ta bou di sancionnan di Washington, cu ta considera medidanan p’e situacion. Merca ta kere cu e combustibel ta paga den oro, un funcionario di Washington a bisa Reuters siman pasa. E minister di Defensa di Venezuela, Vladimir Padrino, a sigura cu su pais lo escolta den su zona economico exclusivo e tankeronan di Iran.

E tankero Fortune cu bandera di Iran, e prome di e flota, ta yegando Lama Caribe awe diabierna. E ta nabegando cu su señal di satelite cendi desde cu el a pasa Canal di Suez e luna aki. E otro 4 tankeronan ta sigui e mesun ruta via Oceano Atlantico, segun e datonan di Eikon. Venezuela, miembro di OPEP, mester desesperadamente combustibel pa alimenta te cu 1.800 stacion di servicio cu pa simannan ta parcialmente cera debi no tin suficiente den e refinerianan estatal di PDVSA. Te cu dia 10 maart nan a traha te 10% di su capacidad conhunto 1.3 miyon bari pa dia (bpd).

Venezuela tabata consumi 170.000 (bpd) di gasolin prome cu e medidanan relaciona cu Coronavirus. E bentanan di combustibel den e stacionnan di servicio a nenga mas o menos 40.000 bpd. Mas di un decada di administracion malo y falta di personal, hunto cu e sancionnan di Merca desde 2019, a limita e importacion y a laga e refinerianan den condicionnan pober. A manda ekiponan via avion desde Iran a yega Venezuela den e ultimo simannan pa inicia trabounan di reparacion.