Awe mainta pa 8:00am, Sinterklaas, compaña pa decenas di Zwarte Piet a yega nos isla ruman Corsou. Ey e homber Santo a hiba un cantidad di regalo y mangel pa tur e muchanan bon mucha y lo papia seriamente cu esunnan cu no ta dje bon mucha ey. Claro Zwarte Piet ta compañ’e durante su bishita tambe.
Despues di su yegada riba barco, Sinterklaas a atende un evento di bonbini riba Brionplein. Coleganan di 24ora.com tabata bibo pa brinda Bo tur informacion di e yegada y pa duna Bo un bista con Corsou a saluda Sinterklaas awe. Mañan mainta ta toca turno na Aruba, caminda tambe e lo topa cu tur mucha, pa sigura cu sea nan ta bon mucha caba of cu nan lo bira “mas” bon mucha otro aña.
