Aruba Amateur Weightlifting Association lo bay tin nan magno evento cu ta e  Campeonato Nacional di hisamento di peso. Esaki lo tuma luga diadomingo awo, dia 17 di november, den Compleho Deportivo Frans Figaroa na Noord.

Den e campeonato nacional aki lo tin participacion di un cantidad grandi di atletanan masculino y femenino cu ta bini di e clubnan di Eximious, Paradise Strenght y TNT Gym. Pisamento di atletanan ta 9:00am. Competencia ta cuminsa pa 11:00am  y ta termina 17:00 di atardi. 

Ta bay hisa den categoría di hubenil, Junior, senior y master. Ta spera sigur un bunita competencia yen di ambiente deportivo unda sigur varios di e atletanan den Youth manera Nicole Dijkhoff, Laerte Araque, Jeremy Dijkhoff lo trata di kibra nan record nacional. Den junior lo tin participacion di atletanan manera Dylan Croes, Kevin Perez y Sharisselle Vrolijk lo demostra nan talento. Den categoría senior den damas lo tin bataya fuerte entre Nathaly Geerman, Rudselyne de Kort, Dianie Croes, Mirlaine de Cuba y Bobbi Joy Geurts pa wak ken ta bira ganador como Best Lifter. Den senior cabayeronan lo nos haya atletanan Yunes Guzman, Jonathan Bocanegra, y Jean-Pierre van der Lak  lo wak ken ta gana e titulo como Best Lifter.

Aruba Amateur Weightlifting Association kier a invita tur fanatico di Hisamento di peso pa bin apoya nos atletanan den e campionato nacional di hisamento di peso cu lo tuma luga den Compleho Deportivo Frans Figaroa na Noord.

Entrada ta gratis pa grandi y chiquito.


Comments

comments