E homber di mas fuerte di Aruba yama Joel Kuiperi – e ta mesun fuerte cu un toro. e titulo di
Runner up di e competencia di e homber di mas fuerte, cual a wordo teni na MooMba Beach
durante e ultimo dianan aki, tabata Elmer tolhuijsen, kende tabata e ganado di aña pasa.
E dama di mas fuerte di nan tur, tabata Jennifer Piter. For di diahuebs, dia 5 pa diadomingo, dia 8 di October, e beach na MooMba tabata yena cu publico y fanatico di e participantenan. Hopi bishitante di e isla, mayoria di nan for di e hotelnan den cercania, a bin regularmente pa mira y disfruta di e evento. Un banda en bibo y DJnan a tene e ambiente liviano, aunke cu e competidornan tabata perform riba nan nivelnan di mas halto y e esfuersonan maximo tabata rekeri for di e atletanan. E tabata un super fiesta, specialmente riba diadomingo, ora cu e finalnan a tuma luga bao di e guia sabio y halto di e huesnan di Korps Mariniers Savaneta. E evento tabata un showcase di puro willpower, forsa increibel, musculonan temblando, bicepsnan gespan y tur otro partinan bon entrena di curpa.
E huesnan tabata tin un tareadificil, husgando Clean & Jerk, rancamento di truck, Stone of Strenght, Deadlift, Yoke Carry y e Flipping pa yega na nan conclusion final di kende lo ta e ganado. Dies persona a participa pa categoria. Pa esnan cu no tabata tey: realmente bo a perde algo hopi great. Tabata tin hamburger y hotdog riba beach, hopi bebida y un competencia maraviyoso caminda cu cada un di e participantenan a bataya pa cada punto. Danki ta bay na Nagico, Korps Mariniers Savaneta y e team di MooMba Beach pa por haci cu e competencia di Strongest Man of Aruba 2017 un exito rotundo. E edicion di otro aña tambe lo wordo teni na MooMba Beach: e luga ta perfecto pa un evento asina grandi. E resultado di e competencia ta como lo siguiente:
Dama:
1. Jennifer Piter
2. Henny vd Kieft
3. Peggy Korver
4. Monica den Hartigh
5. Malissa Groot
Cabayero – menos cu 80 kilogram
1. René Rudel
2. Roald
3. Winfried Rudel
4. Ray
Cabayero: 80 kilogram y mas
1. Joel Kuiperi
2. Elmer Tolhuijsen
3. Jeremy Geerman
4. Mathe Wijnker
5. Jason Li
6. Kervin Dirksz
7. Courage Osa-Nappier
8. Rohid Srivastava
9. Mike
10. Francis Tromp
