Ricardo Croes, lider di RED, a reuni cu gobernador despues di e otro dos partidonan MEP y POR. El a splica cu e base di e combersacion ta e ronde di Informador, con e combersacionnan cu Informador entre otro a desaroya. Kico ta e puntonan importante cu a refleha den e combersacionnan y cu entre otro, despues di un siman di combersacion, ta den proceso di rond af e proceso aki cu informador. Esey tabata e base di invitacion di awe, pa comparti entre otro kico ta e conclusion cu informador a entrega na Gobernador y kico ta bay ta e siguiente paso, esta nombramento di formador.
Un di tres partner activo den Gobernacion
Ya a tuma luga entre otro combersacionnan informal entre Croes y sr. Otmar Oduber y tambe entre Croes y Andin Bikker. Tambe a tuma luga combersacion entre Croes y sra. Wever-Croes y tambe a tuma luga combersacionann di partijraad di MEP y RED. E combersacionnan aki tur ta riba un base pa sondea kico ta e cosnan cu nan itn en comun, e intencionnan cu tin pa traha hunto. Pero tur cos ta liber di tur compromiso. y e combersacionnan tabata te na e momentonan aki riba un atmosfera ameno. Te awor aki no tin ningun acuerdo, no tin nada ainda specifico.
RED ta wordo menciona tur caminda
Te awor aki RED ta wordo menciona for di un principio pa e formacion aki. Croes ta contento cu e ta bao di e impresion cu tanto partido MEP y tambe sr. Otmar Odue ta open minded cu tin RED como di tres partido den coalicion.
Ministerio
Ricardo Croes no conoce un coalicion caminda cu no lo tin un ministerio. Un coalicion ta encera cu nan lo haya un ministerio. Cua ministerio esaki lo ta, no ta conoci ainda. E otro partidonan tampoco e no sa cua ministerionan nan lo aby yhaya. No ta un topico di discusion te asina leu.
tin compromiso cu diferente persona caba, pero no tin sentido pa divulga nan. No sa di tur e ministerionan, cual ta e un ministerio cu nan lo bay haya. Den e caso ey, e personanan cu lo ta relevante na e ministerio ey, lo wordo divulga despues.
Combersacionnan pendiente
E dia crucial tabata awe pa tur tres partido por a ricibi for di gobernador su opinion y informacionnan relevante pa loke ta e gobernacion nobo. Despues di awe nan ta look forward cunan lo wordo acerca. Partido RED ta e partido cu ta wordo invita pa forma parti di e gobernacion aki. RED no ta den posicion pa forma e coalicion aki. Nan tin un afwachtende houden. Te awor aki tur reunion a tuma luga caminda cu Croes a tuma luga.
E reunion di awe
Awor aki nan ta un paso mas leu. Siman pasa tur tres partido a ricibi informacionnan relevante pa loke ta pais Aruba riba diferente tema. Tambe cualkier tema cu por crea e impresion cu un gabinete cu no ta bestendig a bin riba mesa. Por a contesta e preguntanan aki cu satisfaccion na informador y tambe na gobernador cu e ta duna e impresion cu tin un base amplio. E ora por bay over na e paso aki cu ta un tiki mas cerca pa forma e acuerdo mes pa gobernacion, cu ta e proceso di formacion. Sin informacion ta dificil pa tuma cieerto decisionnan cu ta importante y relevante pa cu e acuerod di Gobernacion. Esey ta pone e cu e reunion di awe ta mas importante mirando cu ta yegando mas cerca.
