E aña aki, publico despues di parada grandi di Oranjestad a comporta nan mes un poco mas miho, compara cu aña pasa. Tabata tin un total di 29 detencion, compara cu 43 di aña pasa.
Pa loke ta e parada mes, el a cuminsa pa 10’or di mainta, ora cu SMAC hunto cu Cuerpo Policial a duna inicio di e parada grandi di Oranjestad.
Un total di 14 grupo a participa cu por lo menos 4600 participante. Cuerpo Policial mes tabata tin 240 personal riba pia pa tene e controlnan necesario. Tabata consisti di diferente departamento di e cuerpo cu a traha hunto. Entre otro a haya polis uniforma, ME, Motor Unit, K-9, Mobiele commando, Departamento di Recherche, personal administrativo y Commando Kamer. Personal di CEA tambe tabata riba pia.
Yegada di e cabes di e parada na ex-DOW tabata pa 3’or y 42 di atardi y anochi pa 7’or y 14, e parada a yega su final.
