Diadomingo, 3 di Maart tabata e dia cu tur hende tabata spera. Hende for di tur districto di Aruba a bin pa asina presencia e gran parada di Carnaval, pa asina mira e 14 gruponan cu a pasa den e cayanan di Oranjestad, desplegando asina e luho y creatividad cu nan ta conoci p’e.
E parada a sali exactamente pa 10’or di mainta y e rabo a yega pa 3:15 na ex-DOW. Definitivamente Carnaval di Aruba si ta Carnaval, cu a caba di celebra su aniversario di Diamante. Aruba, pabien cu un tremendo temporada di Carnaval y awo pendiente pa diaranson awo cu ta bay ta Diaranson di Shinishi.
