Seccion di Malesanan Contagioso (Dienst Besmettelijke Ziekten) di Directie Volksgezondheid DVG ta informa cu e vacuna contra keintura geel (yellow fever) a caba. E vacuna no ta facil pa haya debi na e diferente epidemianan cu tin. Esaki ta haci cu e proceso pa haya e vacuna bek na Aruba lo por tarda por lo menos 3 siman. Ta premira cu mas tarda fin di augustus of poco mas trempan lo tin e vacuna disponibel atrobe.
Normalmente ta aplica 600 vacuna pa aña, pero e aña aki te cu awor a aplica mas cu 5000 caba, pues un diferencia grandi compara cu añanan anterior.
Seccion di Malesanan Contagioso ta conseha tur pasahero cu lo biaha pa paisnan cu tin keintura geel, pa proteha nan mes door di uza repelente regularmente contra sangura y bisti camisa cu manga largo y bisti carson y si na bo regreso presenta sintoma di keintura, acudi cerca bo dokter di cas mesora.
Pa mas informacion por tuma contacto cu Seccion di Malesanan Contagioso (DBZ) na 522-4200 situa na Avicena straat # 2, Oranjestad. Nan orario di trabou ta di 7:45am pa 11:45am y di 1:45pm pa 3:30pm.
