Loke a trata tanto di evita ta tumando luga. Na e cas di ancian na Playa Cas di Machi tin un cluster contagio.
Despues di e rumornan circulando relaciona cu e contagio di COVID19 den e cas di cuido di nos grandinan Cas di Machi, Departamento di Salud (DVG) a confirma e informe aki.
Nan a bisa cu berdad e cas di cuido menciona tin un tin un cantidad relativamente grandi di cliente cu tin e virus. E situacion ta conoci cerca nos na Departamento di Salud y ta dunando guia y sosten na e cas di cuido pa cu esaki. No por a bisa si ta cuanto, pero loke nos a compronde, ta entre 10 cu 18 caso di COVID19 tin na e sitio.
Luna pasa cas di anciano na Savaneta Maris Stella tambe a haya algun contagio pa cual a isola e seccion for di demas seccionnan. E cifra di contagio eynan no ta asina halto manera den e caso aki.
