Na momento cu tabat tin cambio di gobernacion, tabata tin otro cambionan tambe, manera aumento di cierto cosnan.
Ronald van Trigt, presidente di ATIA, a splica cu nan ta den dialogo y contacto continuo cu gobierno. Tin algun punto cu por a trece dilanti.
E reforma fiscal ta uno cu ta bay tuma no solamente 2019, pero tambe e introduccion di 2020. E ta un reforma fiscal bastante extentivo, y basta cos lo bay cambia.
A haya e prome draftnan di kico lo bay pasa. Pa un gran cantidad di hende e loonbelasting ta bay bira menos.
Por bay haya un grupo ta basta amplio di hende cu door di e belastingschijven cu ta cambia, bo ta haya cu 7000 hende mas no ta bay paga loonbelasting. Duna bek e poder di compra na e hendenan comun y coriente ta hopi importante pa economia.
ATIA ta mira e prome movecionnan di e belastingnan directo pa belastingnan indirecto. A mira dividendenbelasting regime ta bay wordo cambia. Y tin otro cambionan cu lo bay wordo cambia. Pero ta mira cu e cambio completo lo bay tuma luga den 2020.
Generacion di mas fondo
Van Trigt di ATIA a comenta cu e cambio di BBO, aumento di BAZV, tabata un inflacion. E tabata conoci caba cu e lo a bay causa un inflacion tambe. A mira esey tuma luga. Van Trigt a splica cu nan ta den combersacion cu gobierno unda cu nan ta implimenta un ley caminda cu BBO ta bay wordo inclui den prijs. E ta keda na comercio naturalmente pa wak con nan ta haci esaki. Pero na final ta un preparacion di loke lo bay bin na 2020.
No ta na altura completamente detaya kico e ta bay ta, pero tin di compronde cu lo bay ta un reforma fiscal, unda cu ta bay kita e BBO, BAZV, tur e otro impuestonan y bin cu un solo belasting, cu ta bay wordo destina pa eseynan.
Reforma fiscal
ATIA semper tabata na fabor pa por move for di belasting directo, pa belasting indirecto. Ta kere cu e peso pa comercio ta mucho halto. E peso pa cierto ciudadanonan ta mucho halto. Mester reparti esaki miho y belasting indirecto ta haci esaki.
Den pasado y te awor aki, tin belastingnan indirecto, pero tin e mesun belastingregime bieu tambe. E peso a bira hopi, pero tin speransa si cu na cierto momento lo mira reforma, na unda cu e belastingnan indirecto lo bay wordo kita y lo bay wordo poni. Esta belasting directo ta bay baha y e mester wordo substitui pa un belasting indirecto.
Aumento di accijns
ATIA no a wak e detayenan di e ley pa aumento di accijns, di kico lo bay pasa. Locual ta wak awor aki cu ta sosodiendo, of ta papia riba dje, ta productonan manera sigaria y alcohol, lo cambia e sistema di cobr’e. E detaye di dje no a mir’e ainda. Ta en espera di esaki.
Voz di ATIA
E voz di ATIA ta conta sigur sigur, segun van Trigt. Ta mira e leynan cu ta na caminda. Hopi di e proposicionnan cu ATIA a bin ta trahando riba dje, ta mira nan bek. Y esey ta conta. Nunca bo no ta haya tur cos cu bo pidi, pero si cu ta wordo scucha, ta wordo dialoga y tin acceso na esey, segun Ronald van Trigt.
E carga
Como negoshi pa carga mas, ta bira dificil. E comerciantenan ta bisa cu e glas ta yen. Mester mira un prospecto si cu e sistema di belasting ta bay wordo cambia. Tin comprension cu no por haci algo di un dia pa otro. Realmente nan ta mira cierto cambionan cu lo bay tuma luga na 2019. Pero e cambionan principal lo bay tuma un tiki mas tempo. Ta wak na 2020 e cambio fiscal mes lo bay tuma luga.
Attachments area
