Bruela of Varicela, ta un malesa transmiti door di un virus y e ta facilmente transmisibel door di niester of tosamento y ora e persona tin blaar di e virus eynan.
Aruba tabata experenciando cierto casonan di bruela cerca mucha y Bruela tabata considera como un malesa di mucha y una bes cu e persona haya infeccion, e ta keda inmune durante gran parti di su bida.
Tin pais unda cu nan ta promove, si un mucha tin bruela, pa infecta otro. Pero biniendo den e area tropical, e virus di bruela lo por crea tambe complicacionnan mas severo, sea den mucha y mas tanto den adultonan.
Bruela ta un infeccion cu ta transmiti viralmente, niestermento, tosamento of cu blaar cu e mucha tin durante di un infeccion di bruela.
Kico ta bruela?
Bruela ta un infeccion viral cu ta ataca cuero y tambe lo por ataca otro parti di nos organonan, manera pulmon, celebro, entre otro.
Sintomanan ta cuminsa cu keintura halto, 39 of 40 grado. Curpa ta malo. Despues ta aparece puistje riba e curpa, riba cara, riba pecho y e puistje aki ta bira un blaar. E blaar ta yena di likido color berde geel y despues e blaar ta seca y ta keda un casca.
E problema ta cu e blaar eynan lo por crece den boca. E mucha por tin problema pa come, pa bebe. Si ta un mucha chikito, mas tanto ainda e no por come, ni bebe bon. E por sali den orea, causando un infeccion of e blaar lo por sali den e parti genital, cu incomodidad.
Una bes cu e infeccion bay, e tin un temporada cu ta dura di cinco pa shete dia y despues e ta bay. E persona ta keda inmune pa henter su bida.
Sin embargo, pa cierto tipo di hende, muchanan bao di 2 aña di edad, hende adulto cu un sistema inmuno abao, muchanan hoben, e lo por crea complicacion mucho mas severo y cu lo por causa te hasta morto.
Un complicacion ta si un persona a haya bruela cu ta na estado. E virus ta bay cerca di e baby y e lo por crea complicacion den dje.
E otro parti ta si un persona tin cierto factor cu lo por crea complicacion manera un persona cu ta desnutri, cu su sistema inmune no ta bon y e no ta cuida su mes bon den e parti higienico, e lo por crea tambe complicacion. Neumonia atipica, of neumonia viral, ta bacterianan cu ta biba den nos boca, cu por bay den pulmon, cu por causa un bronco-neumonia severo. Si ta un mucha mas chikito, por haya un broncolitis infeccioso viral of e lo por bay den e celebro of sistema nervioso y causa un un menengitis, of sefalitis, of inflamacion di celebro cu tambe por ta fatal.
Tambe por causa insuficiencia renal, cu tambe por causa un otro problema mas. Den e parti estetico, si e persona ta grawata, e por infecta door di e bacteria, si e tin blaar. Y si e casca cay, e por laga marca pa bida.
Bruela temporalmente ta bin y bay. Mas tanto den e area tropical e ta persisti. E calor y humedad ta faborece e broeimento. Problema respiratorio tambe ta causa e virus y e lo por causa brotenan den cierto areanan cu tin.
Aruba actualmente tin bruela. E ta hopi isola den cada area, pero nos tin’e y complicacionnan nos mester evita.
Cuanto dia bruela por dura
Segun dr. Salazar, no tin tratamento specifico pa bruela. Solamente un tratamento sintomatico, un tratamento di sosega.
E blaar ta causa hopi grawatamento y esey ta loke nos mester evita. E persona ta rasca y e ta infecta e cuero, na unda tin e blaar y e lo por bira infeccionnan secundario cu tin mas consecuencia riba dje.
E tratamento ta pa tuma paracetamol contra e keintura. Baña frecuentemente. Y pa e grawatamento di e blaar, tin cierto remedinan cu e ta wordo tuma como antihistaminico of tin cierto remedinan cu ta hunta den e blaarnan, pa evita e grawatamento.
