Departamento di Aduana ta informa cu su oficinanan ta cera riba Diabierna Santo, dia 7 di april y riba di dos dia di Pasco di Resureccion, esta dialuna dia 10 di april 2023. Cu esey e duaneronan ta baha desde diahuebs y lo regresa trabou diamars su otro siman.
Tur servicio pa cliente y publico en general lo reanuda riba diamars 11 di april desde 7.30 am. Departamento di Aduana ta haci un suplica na tur cliente pa pidi servicio na tempo pa preveni tardansa. Duana ta spera di por a informa debidamente y ta desea comunidad di Aruba un feliz siman santo y Pasco Grandi.
Mester menciona cu den comunidad, pero specialmente for di comercio, semper tin critica riba e maneho di Departamento di Aduana, cu ta cla pa tuma dianan liber. Specialmente ora cu ta toca un fin di siman largo. Comercio ta sinti cu nan ta laga carga friu para, cu consecuencia cu nan ta perde placa, pa mal coordinacion di e departamento. Comercio ta pidi pa cera e servicionan regular pero sigui brinda servicio na carga cu mester drenta urgente, o sea carga friu. No ta conoci si lo haci esey den e weekend largo aki.
