ATIA tin cu wak e tipo di proceso ora di introduccion di un medida. Nan ta vocifera nan preocupacion continuo cu gasto di negoshi.
Nos tin un inflacion cu a tuma luga na 2018, un inflacion cu a wordo afecta hopi door di introduccion di e BAVP.
Segun Ronald van Trigt, presidente di ATIA, esaki a causa un inflacion basta fuerte na Augustus. Salario minimo ta na discrecion naturalmente di e minister pa e subi esaki. Mester tene cuenta cun’e si, pasobra un di e posicionnan fuerte cu tin si, ta cu ATIA semper ta preocupa y tin cu tene un level playing field.
Tin mucho hende cu ta den locual cu ta yama un economia gris. Un economia cu no ta contribui na nos pais. Por ehempel 7 mil ilegal cu ta trahando riba Aruba y no mester pensa cu ta bay saca nan tur tampoco.
Tin un mercado eynan, cu ta mercado di rond di por ta 6 of 7 hotel cu ta trahando cu ilegal. E mercado tey. Bo ta haci e negoshi e ora ey, tin biaha desproporcional.
Esunnan cu si ta cumpli ta paga un parti desproporcional di e economia real. Ta algo cu ta den combersacion continuo cu gobierno. Tambe cu minister di labor y esun di economia. Ta papiando riba e preocupacionnan di comercio. Mester tin un levelplain field. Por papia di cualkier cos, cualkier gasto extra. E ora tur hende mester contribui. Pesey tambe ta asina importante pa por move y pone mas peso riba belasting indirecto y menos peso riba belasting directo.
Tin un excelente contacto cu departamento di impuesto. Un tempo pasa tabata tin un sesion na ATIA, na unda cu representantenan di ontvangernan tabata presente y a duna un splicacion kico nan ta haciendo.
Nan ta den un proceso di automatisacion y e no ta facil. E ta un proceso cu a tuma hopi inversion di hende y placa. E tin su malesanan chikito cun’e.
Di e 100% di naheffingsaanslag cu ta wordo manda, a wordo sigura 80% ta corecto. Kiermen si paga dia 16 bo ta ricibi un boet. E ta parti di un sistema di automatisacion. 20% ta fout cu e sistema mes ta crea.
Mester tin un poco pasenshi, pero lo yega eynan. Cualkier cambio asina aki, toch como comercio, mester carga tiki pasenshi, pasobra e no ta facil pa introduci un sistema di cobra belasting nobo, full automatisa.
A haya e promesa cu lo bay bin bij. Den 2019, segun van Trigt, nan lo caba cu e atraso cu tin. Esey ta señalnan positivo y ta spera cu esey por wordo realisa.
Asunto di sushi
Di parti di comercio tin grito pasobra cu prijsnan a renoba. Segun Ronald van Trigt, e no sa si lo bay tin mas cambio, pa loke ta prijs di comercio. Si loke a mira cu a aumenta significativamente, ta pa hotelnan. Nan prijs a subi hopi.
Pa e comerciantenan chikito y pa e comerciantenan mediano, ta bay tin un fee. A papia e tempo ey di 25 florin pa luna. Como comercio mester pensa si cu tin un problema basta serio cu tin cu enfrenta, cu ta nos medio ambiente.
E ta afecta henter nos economia, e ta afecta nos turismo. E ta afecta un proceso cu mester wordo cambia. No por keda haci loke a haci den e ultimo 70 añanan. Mester caba cu dump, mester bin cu algun ley cu ta birando un pais moderno, un pais cu ta tuma responsabilidad den cierto cosnan.
E sistema cu ta riba mesa awor aki tin su desbentahanan pa cierto grupo y ta compronde esey. Nan tambe ta papiando cu e stakeholdernan. Tin companianan priva den esaki. E ta un solucion cu nan a yega na dje y un prijs pa kilahe cu a wordo determina. Pero e ta un proceso cu ta necesario pa kita for di e proceso tradicional cu tabata tin.
Pusha un aumento riba cabes di turista
Ta wordo menciona cu kier pusha un aumento riba cabes di turista. Segun van Trigt, den e reforma fiscal indirecto, tur esaki mester wordo inclui. Mester tin un reforma fiscal completo. Bo no por keda cobra pa cada cos apart. Pa AZV pa esey, pa esaki. Mester tin un impuesto cu ta cubri loke Aruba tin mester pa nos por move bay p’adilanti.
Bay cobra turista apart, etc., segun van Trigt, e ta confundi e sistema mas cu e ta yuda. Tambe gobierno tin oido pa esaki. Ta spera cu nan por implimenta un sistema completo cu ta all inclusive.
