Dialuna anochi un unidad atento di Noord a mira dos homber moviendo sospechoso den e area di New Wei Taai Restaurant na Noord. E auto tabata un V-Wagen number V-2272. Ora cu polis a bay acercanan pa chek un cu e otro a haya holor fuerte di Marihuana. A pidi refuerso pa asina cuminsa un investigacion riba e dos hombernan.
Den e proceso a bin topa cu basta droga den e auto. Nan tabata tin un cantidad grandi di marihuana cu ta mustra mas bien pa benta. E cantidad nunca por tabata pa consumo propio.
A hayanan cu suma no normal di placa. Polis ta sospecha cu e dos turistanan ta mas bien na Aruba pa asina bende droga.
A notifica e departamento di droga mesora y confisca tur cos. A pone ambos Mericano na boei y asina transportanan separa for di otro pa warda di Shaba. A hiba uno den auto di polis normal y otro den dogcatcher. E auto tambe a confisca y hibe warda cu takelwagen. Ora cu e polisnan a subi auto di patruya mester a baha bentana mesora pasobra e holor sterki di e marihuana confisca tabata penetrante.
