Dialuna atardi a drenta informacion cu tin avion di Sunwing yegando cu bom y droga. Na aeropuerto a prepara pa yegada di dos avion. Autoridad di aeropuerto a confirma e informacion y cu ta vuelonan di Toronto. E avionnan tabata den halto ainda ora e melding a drenta. E prome avion di Sunwing tabata tin 132 Pasahero y e di dos avion tabata tin 145 Pasahero. E avionnan a baha bon y mester a evacua tur 277 pasahero abordo. Autoridad competente a activa mesora y cuminsa reuni na aeropuerto. A saca tur maleta pa cuminsa un control riguroso riba e avion y tur loke ta ekipahe. Kico tin tras di e melding aki no ta conoci. No ta custumber cu droga ta yega for di Canada. Mas bien a yega di gara droga hopi biaha saliendo pa Canada. Mirando e melding a sera e aeropuerto mesora. Ningun avion por a sali of yega. Avionnan cu tabata yegando a ser desvia pa otro aeropuerto.
