Dialuna y Diamars anochi AirTech conhuntamente cu e compania renombra Nu-Calgon di Merca a tene e prome seminario pa tecniconan specialisa y amplia nan conocemento mas den e field di ‘Cleaning Products’ di e compania Nu-Calgon.
E seminario presenta pa Sr. Jody Long riba Dialuna y Sr. Carlos Martinez riba Diamars tabata uno sumamente informativo y interactivo y hopi bon ricibi pa tur presente!
A splica y demostra entre otro aplicacion di e productonan di limpiesa y tambe partinan importante di siguridad di e mashinnan y tambe pa e personanan cu ta uza e producto. Na final di e anochinan tur participante a ricibi nan certificado oficial di Nu-Calgon y AirTech. AirTech kier a duna un danki grandi na tur persona cu a asisti y participa Dialuna y Diamars anochi. Y tambe danki na tur e bon comentarionan ricibi pa cu e seminario aki!
AirTech ta un compania dirigi pa hobennan dinamico y innovativo cu e meta principal di duna un servicio excelente na tur su clientela. Keda pendiente pa e siguiente seminario cu lo ta pronto y incluyendo mas workshops grandi den 2020! #Airtech #Nu-Calgon #Seminario
