Tin un carta cu a sali riba caya, un carta cu lo a wordo manda internamente. Director di Hospital, Ezzard Cilie a splica cu e carta ta un documento interno. E ta un comunicado di palabracion entre e director cu e specialistanan. Esey ta bisa tambe, cu aparentemente, pasobra e no a mand’e afo. E tabata solamente dirigi pa e specialistanan cu, hunto cu e director, ta pa encarga pa tur cos bay na ordo, preparando pa e traspaso na e edificio nobo.
Cortamento di cama
Cilie a sigui splica cu e ta parti di camanan cu riba averahe no ta wordo uza, pero kier limita cu nan tin hopi pashent pa traspasa. E traspaso riba su mes ta un riesgo. Fuera cu e edificio mester ta cla, bo ta purba di evita pa traspasa menos pashent cu ta posibel. Ta trata awor aki di un riesgo grandi cu nan tin, mientras cu nan ta bay traspasa pashent. Pesey e ta.
No tur ora yen
Hospital no tur ora ta yen. Ta papiando di un averahe di 80 pa 85%. Di full un hospital, tin casi como 20 cama bashi. Si pone 10 acerca, ta simplemente cantidad cu nan ta kere ta responsabel cu por carga e responsabilidad di esey pa traspasa nan. Naturalmente esey tambe mester palabra cu e specialistanan, pasobra nan ta esnan cu ta admiti, nan ta esnan cu ta ontslaag e pashentnan tambe.
Cilie a comenta ta cu ta papia di 300 cama y esey lo mantene. Un otro asunto ta pa awor aki, tin casi 18 luna ta bezig cun’e. A realisa y establece tambe cu nan tin mucho poco na enfermero. Cronicamente, no na Aruba so, pero rond mundo, tin un scarsedad di esey y nos tambe ta sufri bao di dje.
Ta pensa cu por, na un forma hopi agresivo, mester importa e trahadonan aki cu ta enfermero y una bes cu tin esey por bay normal atrobe. Aruba mester percura pa e tin su cantidad di enfermero si, pasobra e tipo di cuido aki, no por sigui duna cu e cantidad di hendenan cu tin actual. Uno, mester bay educa, por lo tanto importa pa por yega na e nivel den cual e cuido cu ta duna ta apropia y responsabel y e no ta facil pa haya, segun Cilie.
Esnan concerni sa di esaki.
Interes
Por tende tur tipo di storia. Cilie ta convenci y ta kere cu mester haci algo cu e salarionan, pasobra e salarionan no ta di awendia mas. Enfermero di 15 aña pasa, e peso di e trabao ta diferente, ta mucho mas complica. Ta exigi mucho mas di e enfermeronan y tin un cos cu ta yama warda cu manera pa Cilie, por haci algo pa mehora e salario tambe.
Pueblo trankil
Ta keda responsabilidad di hospital pa elimina camanan cu no por uza mas. Esey no ta afecta e cuido.
Sospecho si carta
Pa loke ta e carta, Cilie sa unda el a manda y e sa pa ken e ta dirigi. E specialistanan a hay’e.
