Departamento di Impuesto tin un areglo special pa comerciantenan chikito. Director di DIMP, mr. Luenne Pieters a splica cu ora cu a cambia e ley di BBO na juli ultimo, a introduci tambe un areglo special pa comerciantenan chikito.
Esaki ta drenta na vigor entrante Januari 2019 y e ta encera cu tur comerciante, sea cu ta pa inkomsten belasting, comerciantenan cu ta cliente pa Winstbelasting, nan por bin na remarca pa haya e areglo special aki.
Kleine Ondernemersregeling
Na Hulandes e ta wordo yama Kleine Ondernemersregeling. Ta abrivi’e como KOR. E ta encera cu e comerciante ta haya dispensacion di pago di BBO, BAVP y BAZV. Es decir cu e no ta bay tin mester di paga e impuestonan aki durante e aña cu ta bin.
Kico ta e rekisitonan pa esaki
E comerciante ta declara cu e ta un comerciante chikito. E ta declara cu e no ta kere cu e ta bay haya un omzet, un volumen di benta di mas cu 12 mil florin pa aña y pa esey e ta yena un formulario pasobra e tin cu haci un peticion por escrito na e Inspector di Belasting y entreg’e na DIMP.
E areglo special aki pa comerciantenan chikito, lo encera cu e cliente ey, e comerciante ey, no tin mester di bay paga e impuestonan di BBO etc. Tambe e no ta bay tin mester di entrega un declaracion tur luna manera ta usual cu otro comerciantenan.
E comerciante chikitonan aki ta bay haya un jaaraangifte, nan ta bay haya un solo formulario di declaracion, cu nan ta bay entrega despues cu e aña caba.
Esaki ta drenta na vigor na 2019. Nan ta bay haya un jaaraangifte cu nan ta bay entreg’e na cuminsamento di aña 2020, caminda nan ta declara kico realmente nan a ricibi na omzet durante 2019.
E areglo pa comerciantenan chikito aki, un di e condicionnan ta, mester por tin un omzet di 12 mil of menos pa aña.
Si resulta na final di di 2019 cu e cliente, e comerciante chikito ey, a ricibi un omzet di mas cu 12 mil florin pa aña, e ora e tin cu bay declara cu su vrijgestelde omzet, por ehempel ta 12 mil y su omzet total tabata 15 mil, su belasting omzet lo bira 3000. Di e forma ey cu e ta declara kico total su omzet tabata, kico ta e parti vrijgesteld y kico ta e parti cu e tin cu paga riba dje.
Riba e suma cu el a surpasa e 12 mil, e tin cu bay paga BBO, BAVP y BAZV. E condicion ta si, cu unabes cu keda stipula cu e cliente, e comerciante ey, a surpasa e limite di 12mil, den e aña siguiente, e no ta bin na remarca mas pa haya e areglo special aki.
Pa e aña siguiente e no por haya e dispensacion di belasting riba 12 mil florin. Esey ta e condicionnan cu ley ta duna ora cu e peticion keda cerca DIMP. Inspector di impuesto ta evalu’e. E ta bay duna un decision tambe. Su decision e ta haci’e por medio di un decreto y e decreto aki tambe, riba dje, e ta posibel pa e cliente entrega un carta di obhecion.
