Tabata riba nos dia Nacional, Dia di Himno y Bandera, ora cu algun minuut despues di 4:00 am a sososde un accidente pisa na Savaneta. E motocilcista bou di e nomber Maximiliaan Hernandez tabata bayendo pabou trankilamente riba su brommer ora cu el a topa cu un auto di un forma sorpesa cu a alcans’e.
Un impacto fuerte y cu resultado fatal. Na sitio mes el a fayece. Cinco dia despues, a tuma despedida di e hoben di binti aña. Mirando cu tabata masha activo den e mundo di brommer, su grupo di amigo a despedi di dje den nan manera. A presenta na difente sitio pa draai cu nan brommer y di e forma ey yama ayo na Maximiliaan Hernandez.
Entre nan, a pasa na Palo Marga, Barcadera, n’e sitio di accidente y n’e funeraria mes. Polis tabata riba un standby pa actua si dado caso cos bay for di man, pero esey no tabata e caso.
