Diabierna mainta Ilbert Maduro lo tende for di Corte si el a wordo haya culpabel pa asesinato di Harmond Girigorie. E hecho aki a tuma luga dia 16 di october, 2018 banda di e bon conoci establecimento Julio’s.
E victima y e acusado tabatin un problema personal cu otro. E ex di e victima a bira pareha di Maduro. Y e hecho cu Girigorie continuamente tabata pasa dilanti nan cas ta tira palabra a pone cu Maduro su “fuse” a bula riba e fecha en cuestion.
El a pasa man cu un arma cu e tabatin 10 aña warda, subi su auto y a bay na Julio’s. Yegando eynan el a yama Girigorie bin tende y discusion a cuminsa. Na e momentonan ey el a saca e arma y a cuminsa los tiro, cu Girigorie coriendo den tur direccion buscando proteccion. Finalmente den veranda di un cas na banda e ex bodyguard di Minister Romero a sak den otro ora cu el a ricibi e ultimo bala di e seisnan cu tabatin den e revolver, patras di su cabes. Den Corte Maduro, tata di 8 yiu, no a mustra un berdadero arepentimento of ta realisa kico el a haci. Daiabierna mainta Corte lo anuncia si ta bay di acuerdo cu e 14 aña pidi door di Fiscal of ta desvia di esaki.
