Ciudadano a bati alarma na polis ora a bin topa cu un persona drumi tur su largo dilanti edificio di Post Aruba. Esaki a lanta masha preocupacion pasobra no tabata sa si e persona lo a bira malo, of ta un ambulante, si acaso e tabata burachi of si tabatin cualkier un of otro mal intencion.
Un poco despues di 9:00 am polis a presenta den e area pa asina bin atende cu e sospechoso aki pero no a topa cu ne mas den e yerba drumi.
No mucho leu, den Hondurasstraat, a bin topa cu e persona aki y no a tarda mucho cu a pidi transporte policial pa asina hib’e warda di polis na Playa. Aki lo atende cu ne y asina saca afo kico ta locual a pasa cu ne.
