Presencia di polis un biaha mas grandi den area di parada na Playa. Diferente control como tambe buskeda pa algun persona di interes pa
autoridad, ta locual tabata tin diadomingo anochi tanto den Brikstraat como tambe Driemasterstraat.
Den careda di 7:00 pm tanto unidad y mobiele eenheid como K9 team a cuminsa ‘scama’ e area di Madiki pa asina mira sit a logra topa cu un persona cu a bay menasa un otro na un cas den cercania.
A bin compronde cu ademas di menasa, e persona aki ta un hende cu ta carga arma di candela y asina ey a bira mesora un persona di interes pa polis. A cuminsa busca den e area pero no a logra encontra e sospechoso aki.
Area di buskeda tabata entre otro den area di ex-United Dinner cu semper ta luga di aglomeracion pa un grupo conoci pa polis. E victima
a conta tambe cu e sospechoso aki a agredie, a dal e duro na su cara. Autoridad a conseh’e cu miho e pasa warda polis pa haci un denuncia
cerca recherche. No mucho leu di e area, den Flacciusstraat, a bin topa cu un otro persona cu a bay purba lanta cu un miembro di prensa y a hay’e sirbi mesora.
Faya bo Haya ta na vigor durante henter e periodo di carnaval y como tal no ta basila na momento di actua. A detene e persona aki y
transporte pa warda di polis. A bin topa un cuchiu riba dje cu a haci e situacion un poco mas serio p’e.
