Diasabra, 26 november 2022, Stichting Oasis of Love conhuntamente cu Destiny Church Foundation a organisa un Thanksgiving Project. E projecto aki a enfoca riba dunamento bek na e comunidad di Aruba y yuda famianan cu ta den necesidad.
Stichting Oasis of Love ta un fundacion cu ta enfoca riba yuda personanan cu ta wordo confronta cu retonan social y financiero. Nan ta haya varios peticionan pa siman di diferente famianan cu no tin cuminda na cas of tin necesidad di pañanan.
Pa es motibo Stichting Oasis of Love a uni hunto cu Destiny Church Aruba y a organisa e Thanksgiving Project unda cu a provee famianan cu no solamente comestibles y paña, pero tambe co’i hunga pa muchanan, pampers, lechi, y otro articulonan di cas.
Oasis of Love y Destiny Church kier gradici cada persona y tambe organisacion/companianan cu a haci un donacion pa e proyecto aki. Entre otro: Do it Center, Compra, Romar Trading, Casa del Mar, 7 World Auto Parts, ASD, y LC Engineering & Consultancy.
Si bo persona ta desea pa haya mas informacion di Stichting Oasis of Love por tuma contacto cu nos telefonicamente na 742-6516 of bishita nos Facebook Page “Stichting Oasis of Love.