E tabata un investigacion grandi. A dura seis siman prome cu polis por a pone man riba e dama di nacionalidad Venezolano, conoci como Selena Seballos, kende a dal e victima Ana Quandus, di 82 aña di edad, riba diadomingo dia 3 di Maart 2019 na Tanki Flip.
E desgracia a sosode net na momento cu e peaton tabata crusa caya pa bay su cas. Despues di e impacto, e chauffeur cobarde a core bay laga e sitio. E impacto tabata asina fuerte cu e pober peaton no a logra sobrebibi tur e slanan ricibi y a bin fayece a consecuencia di e accidente.
Dialuna awo a cita e sospechoso pa e bay KIA pa e sinta su castigo, pero el a apela e decision aki y via su abogado, mr. John Zara, ta purba evita cu e mester bay cera. Pero fiscal no tin pensa di laga e proceduranan penal stroba ehecucion di e decision di hues di Corte den Prome Instancia cu a condena e chauffeur na un aña di prizon, kitando e 26 dianan cu el a pasa deteni. Lesa e edicion di TREMPAN di dialuna pa e storia completo.