Diadomingo, pa mas of menos 4:20 am, polis ta bay cu maximo urgencia na altura di Riu, unda cu un jeep a bolter y un ocupante a keda pega bao dje.
Ta trata aki di un jeep colo blauw numera V-3915, cu tabata biniendo fo’i Molen, bayendo Palm Beach, ora cu el a perde control, dal na un baranca y a bolter. Despues di e impacto el a caba na Riu Palace. Tur tres ocupante a keda herida.
Ambulance na e sitio a presenta pa atende cu e heridonan. Un di e ocupantenan, cu por cierto ta turista, a keda pega bao di e auto. Esaki a haci cu mester a pidi presencia di brandweer pa purba di saca e persona fo’i bao di e auto.
A transporta tur tres herido hospital pa asina nan haya tratamento medico avansa.
