Tucson a ranca troncon y keda na werki

Diadomingo marduga, pa mas of menos 4:00 am, di un manera of otro, chauffeur di un Hyundai Tucson colo blauw, numera A-32286, a perde control riba stuur, na momento cu e tabata bayendo den direccion di aeropuerto.

Den su maniobra el a drenta parkeerplaats di Do-it-Center, ranca un troncon y un pal’i luz. E auto a keda completamente destrui.

Ambulance a presenta na e sitio pa asina atende cu e victima, mientras cu polis presente, a tuma dato di e suceso.