Amanda (Mandy) Hagens huntu cu su tata Harold Hagens, lo continua cu Dental Clinic Hagens y ta oficialmente den servicio di AZV.
Tur pashent di AZV por haci uso di su servicio entrante 22 di april. Pashentnan di AZV cu tabata registra cerca dentista Harold Hagens, automaticamente lo pasa pa dentista Mandy Hagens y no mester haci nada pa esaki.
Dr. Harold Hagens lo sigui brinda cuido dental priva na mesun oficina, esta Tanki Flip 12-A
Mandy Hagens ta naci na Aruba y despues di a termina Colegio Arubano a sigui su estudio como dentista cu exito na Hulanda y tin mas di 8 aña di experiencia di cual e ultimo 5 aña den su mesun clínica dental na Amstelveen.
Mandy ta garantisa e mesun forma profesional di traha manera bo ta custuma di Harold, pero cu un toke moderno.
E clínica na Tanki Flip actualmente ta wordo totalmente renoba y equipa cu aparatonan di mas moderno riba tereno di cuido dental.
E situacion cu Convid-19 a causa algun luna di retraso den esaki.
Pa optimalisa e cuido oral di nos clínica, un asistente pa prevencion y un mondhygieniste, ambos Arubiano, cu a studia na Hulanda y tin experiencia di trabow, a bin renforsa nos team.
Mandy y Harold y e team ta jama bonbini na tur pashent di AZV, pashentnan cu seguro priva y pashentnan priva.
Despues cu e situacion actual di Convid-19 normalisa, nos lo invita nos pashentnan y tur eventual pashentnan nobo pa un cita pa nos sera conocí.
Si bo no ta pashent di nos ainda pero bo kier inscribi bo mes cerca nos, bo por haci esaki na recepcion di Dental Clinic Hagens na Tanki Flip 12-A of jama nos na tel.nr. 5872995 of via email: [email protected].
Dental Clinic Hagens ta desea tur hende tur cos bon durante e periodo difícil cu nos ta pasando aden.
