Parlamento a sigura sindicatonan “cu nan tambe ta den e boto”

Edgard Maduro, vocero di sindicatonan di empleadonan publico a bisa cu Parlamento a sigura cu n an ta den e mesun boto cu e empleadonan publico.

E reunion di sindicatonan cu ta representa empleaodnan Publico tabatin un reunion cu Parlamento, cu no a dura ni largo ni cortico. Maduro a bisa cu nan a haya e mensahe for di Parlamento “cu nan tambe ta den e boto”, mustrando cu nan tambe ta bay entrega.

Sindicatonan a topa cu parlamento riba reduccion di nan salario

Sindicatonan a topa cu parlamento riba reduccion di nan salario. click link pa mas https://24ora.news/2x5bg8P

Posted by 24ora on Friday, April 24, 2020

Cada lider sindical a haya chens pa duna nan punto di bista durante e encuentro ki y inclusive e Parlamentarionan a duna nan punto di bista. E sindicalistanan a pidi e reunion aki pa motibo cu den e rapport entrega door di Gobierno ningun caminda ta para kico e miembronan di Parlamento ta bay entrega.

Gobierno di su banda a bisa cu e Ministernan ta bay entrega 20% di loke nan ta ricibi. E sindicatonan SEPPA, SADA, SPA, TOPA y SIMAR no ta mucho di acuerdo cu e forma con Gobierno ta atendiendo e tema aki, al estilo di impone riba e sindicatonan.

Tabatin basta discusion pero den Parlamento mes por a compronde cu no tin un consensus di loke ta bay entrega. Aunke cu mayoria den Parlamento tin un porcentahe den bista cu nan por ta di acuerdo cun’e. A informa e sindicalistanan cu e ley aki ta bay wordo trata diamars awo den un reunion.

Gobierno a bisa di lo kier baha 91.1 miyon florin den su gastonan. Pero Maduro a bisa cu nan tambe ta preocupa cu si resultado Gobierno di Hulanda no ta acuerdo cu e suma cu Gobierno di Aruba a bisa di lo bay baha.