Net ora cu nos ta pensa cu e normanan di biahe di Merca tabata cuminsa stabilisa, Omicron ta haci su entrada.
E fichanan di domino a cay rapidamente despues cu e autoridadnan di salud Sur Africano a informa mundo di e descubrimento di e variante Omicron di Coronavirus na final di november.
Gobierno di Biden a pone varios prohibicion polemico di biahe den marcha, despues di e yegada di ocho pais di zuid di Africa. E biaheronan a haya nan mes tranca inesperadamente. Y awo e autoridadnan Mericano ta bolbe haci e medidanan di biahe mas duro.
Cosnan ta cambia cada dia y hasta cada ora, pero aki tin algun di e preguntanan cu hende tin riba e reglanan di biahe pa Merca y e contesta cu tin entrante dia tres di december.
1. E normanan pa drenta Merca a cambia?
Si, segun e anuncio haci diahuebs pa presidente Joe Biden di e medidanan nobo destina pa frena e pandemia.
Entrante dialuna, tur e biaheronan internacional cu ta drenta den e pais mester haci un test den e plaso di un dia prome cu nan salida pa Merca.
Tur vuelo cu ta sali despues di 12:01 am dia 6 di december lo atende na e ordo nobo di test di CDC, publica diahuebs anochi.
E plaso nobo di test lo aplica cerca tur hende, “independientemente di e nacionalidad of e estado di vacunacion,” segun e regla riba e website di Cas Blanco.
Tambe ta acepta e documentacion di a recupera di COVID-19 den e ultimo 90 dianan.
Actualmente, e biaheronan vacuna mester haci un test dentro di e tres dianan siguiente na nan salida. E biaheronan stranhero cu ta yega Merca mester ta completamente vacuna.
E Mericanonan no vacuna y e residentenan permanente legal por drenta e pais cu un test realisa den un plaso di un dia desde nan salida pa Merca. E medida nobo aki lo haci cu e plaso di e test lo ta di un dia pa tur hende.
Biden tambe a anuncia cu e mandato federal cu ta obliga e biaheronan pa yega cu tapaboca na aeropuerto, den avion y den tur medio di transporte publico manera trein y autobus, a amplia te cu dia 18 di maart.
“Un dia” ta nifica 24 ora?
No. Segun CDC, e plaso di ‘un dia’ ta uza pa ‘ofrece mas flexibilidad n’e pasahero y e operador aereo.’
E aceptacion di e test no ta depende di e ora di vuelo ni di e ora di e dia cu a tuma muestra di e test.
“Por ehempel, si bo vuelo ta pa 1:00 di atardi di un diabierna, bo por subi cu un test negativo cu a tuma den cualkier momento di e diahuebs anterior”, segun CDC riba su website.
Ta aplica e rekisito di e test na mucha?
Si, ta aplica na tur pasahero aereo di 2 aña of mas cu ta bula pa Merca.
Ta aplica na yegada riba tera of via lama?
No, e rekisito ta conta solamente pa biaheronan cu avion.
Ta existi un rekisito di test of cuarentena despues di e yegada?
No. “Nos ta bay anuncia ningun medida riba e testnan despues di e yegada y e cuarentena,” segun un alto funcionario di gobierno den un rueda di prensa diaranson anochi.
“Mi ta bisa… mira, si ta recomenda medida adicional, si e medidanan adicional por ta bon implementa y ta efectivo, nos no lo duda pa tuma nan, pero nos no lo ta tumando esaki awe,” e funcionario a bisa, segun un transcript di Cas Blanco di e sesion informativo ey.
Ki pais ta inclui den e prohibicion nobo di biaha pa Merca?
E prohibicion di biaha anuncia dia 26 di november n’e entrada pa Merca n’e no ciudadanonan cu ta bin di ocho pais di zuid di Arica. Ta trata di Botswana, Swaziland, Lesotho, Malawi, Mozambique, Namibia, Sur Africa y Zimbabwe.
Dia 27 di november, CDC a pone tur riba nivel 4 di riesgo ‘hopi halto’ di COVID-19.
(Botswana ya tabata riba nivel 4 debi na e cantidad di caso, mas di 500 pa cada 100 mil residente den e ultimo 28 dianan).
E ciudadanonan di e nacionnan aki y esunnan di e otro paisnan a biaha eynan den e ultimo 14 dianan no por drenta Merca.
E ciudadanonan Mericano cu ya ta den e nacionnan aki por bay bek?
Si nan por.
Segun e proclamacion di Cas Blanco, CDC ta bisa cu “e ciudadano y e residentenan permanente legal di Merca, cierto miembro di famia y otro persona cu ta cumpli cu e excepcionnan specifico, cu tabata den un di e paisnan menciona anteriormente den e ultimo 14 dianan lo permiti nan drenta Merca.
Entrante dia 2 di december, nan mester sigui e normanan vigente pa bolbe drenta: Un resultado negativo den un prueba di COVID-19 den e tres dianan siguiente n’e biahe tabata totalmente vacuna y den e plaso di un dia si nan no ta vacuna.
E ciudadanonan Mericano por sigui biaha n’e paisnan prohibi?
Tecnicamente si.
Por lo menos dos compania aereo Mericano ta sigui bula ida y buelta desde Sur Africa, por ehempel. Delta Airlines ta sigui ofrece e servicio Atlanta-Johannesburg y United Airlines ta sigui ofrece e servicio Newark-Johannesburg.
United Airlines tambe ta reanudando e servicio sin escala entre Newark y Cape Town, segun un comunicado di prensa di Turismo di Sur Africa. Den e comunicado tambe ta para cu “nos lo kier a subraya cu nos pais ta sigui habri pa tur e biaheronan cu ta desea pa bishit’e.”
Kico Merca ta haciendo pa detecta e virus?
CDC a bisa cu nan lo amplia e vigilancia di Omicron den cuater di e principal aeropuertonan internacional di Merca.
CDC tambe a confirma na CNN diaranson cu e autoridadnan a ordo e aerolineanan cu ta transporta pasahero cu tabata den e nacionnan determina di zuid di Africa pa comparti e informacion di contacto di e pasaheronan aki cu e agencia.
E aerolineanan ya tabata recopilando informacion di contacto di e pasaheronan den cuadro di un orden contact tracing di CDC cu ta na vigor desde dia 8 di november.
