Diadomingo atardi alrededor di 3:40 pm a sosode un caso peculiar. Manera ta conoci, awe diadomingo Aruba ta experenciando biento fuerte. Segun e canalnan oficial di tempo, ta papia di biento di oost cu forsa di entre 20 pa 39 kilometer pa ora.
Polis a presenta patras di aeropuerto den Totolicastraat p’un mata cu a cay memey caminda. Apart cu a cay memey caminda, el a kentro riba un auto marca Nissan modelo Cube staciona pafo di un cas. Ta un rato prome, cu famia a bay baha e doñ’i auto na aeropuerto, mirando cu e ta biahando pa Colombia. E auto practicamente no ta sirbi mas.
A dobla e dak completo y kibra e ‘backshield.’ Polis no por a haci mucho, a informa personal di seguro pa bin documenta e caso aki. A notifica tambe personal di DOW y Brandweer pa corta e mata cu e keda benta memey caminda, blokiando trafico.
Habitante di e cas a conta cu e mata tin mas cu trinticinco aña. Awe, e no por a wanta e forsa duro di biento, pa cual a cay y causa daño na un auto.
