Departamento di Aduana ta participa orguyosamente na tur su clientenan cu e datacenter di Asycuda a muda for di Belastingkantoor pa su propio serverroom na ofisina Principal.
Cu esaki Departamento di Aduana ta purba na brinda un mihor servicio no solamente pa su clientenan, pero tambe pa nos trahadornan cu ta uza e systema diariamente. E reto mas grandi cu a tuma lugar ta e mudamento di tur data cu a ser acumula e ultimo añanan, esaki ya a surpasa 1 TeraByte.
Pa e motibo aki a scohe pa pone Asycuda down 1 dia cual a inicia for di diahuebs ultimo y a termina diabierna atardi. Durante weekend cu a pasa diferente test a wordo hasi pa’sina completa e trabou. Semper ora tin cambio den e infrastructura di un software e port n su consequencianan. A base di e cambio aki Aduana ta pidi su cliente si tin algo cu no a bai optimal, nos ta conta cu sosten di tur cliente pa e feedback necesario pa’sina por trese mehoracion.
Si tin cualkier pregunta of sugerencia tuma contacto libremente cu Asycuda Project Team na telefoonnummer 5238811, IT Helpdesk na 5238820 of via email: [email protected]. Departamento di Aduana ta partisipa na tur cliente cu por bishita e Asycuda Portal nobo pa mas informacion, tambe pa haya e ultimo desaroyo usando e link https://asycuda.douane.aw.
Un gradisimento ta bai na Asycuda World Aruba Project Team, IT Team pa nan asistencia pa cu e logro aki y e pasenshi di cada miembro di Aduana cu ta traha directamente cu e systema durante e proceso aki.
