Den plan di inversion Ministerio di Salubridad Publico a aloca placa pa busca specialista. Despues di dos aña AZV a presupuesta esaki pa asina por yena e vacaturanan cu tin.
Minister di Salubridad Publico, Dangui Oduber, a expresa cu nan a aloca algun miyon di florin pa por busca specialista di unda por di mundo. Ta keda un reto pa haya e specialistanan aki na Aruba, pero loke ta yuda t’e Arubig. Segun e mandatario, algun tempo atras a cumpli cu esaki y duna oportunidad na e mesun yiunan di tera cu a studia sea na Merca, Canada of Costa Rica pa regresa bek na Aruba pa yuda den e retonan cu tin.
E noticia positivo ta cu despues di dos aña AZV a presupuesta algun miyon florin pa yena e diferente vacaturanan cu tin. Asina ey busca e specialistanan aki unda nan por ta pa por yuda cu e lista di espera cu a aumenta den e ultimo dos añanan aki. E keho cu mas frecuente ta bin dilanti ta momento cu verwijs un pashent sea di su dokter di cas of specialista.
Segun Oduber, e pashent ta warda hopi prome cu e haya un diagnostico, prome cu e haya un tratamento. Hopi biaha asegurado na Aruba ta haci comparacion cu Colombia, di cual e ta tuma decision di bay haci su chekeo na Colombia. E mandatario a indica e diferencia fundamental ta cu na Colombia tin clinica priva y e pashent ta haci escogencia di bay paga. Na Aruba tambe tin clinica priva cu ta haci cierto inversion pa ofrece mesun servicio cu Colombia ta uza.
Colombia no ta ofrece seguro medico general manera Aruba tin. Segun e mandatario, Aruba ta un di e poco paisnan cu ta ofrece seguro medico general aki universal cu ta cubri practicamente tur loke un pashent tin mester di dje.
Pa mas lesa TREMPAN.COM.
