Orguyo di Aruba y Surinam, e bringado di Mixed Martial Arts (MMA) Damian “The Baba Yaga” Pinas, a yega Las Vegas e siman aki cu un soño cla den mente: conkista e octagon un biaha mas. Pinas ta completamente cla pa su gran pelea di mañan, diasabra 11 di juli, caminda e lo representa nos isla den e evento UFC 329, cu lo tuma luga den e imponente T-Mobile Arena.
E siman aki Damian tabatin un asina yama “Media Day” unda cu a saca diferente potret y video pa cu e produccion di e pelea. Tambe diferente caminda na Las Vegas, Pinas a hala atencion di hopi hende. Fanaticonan di UFC a reconoce, buscando un potret, un firma, y demostrando e gran popularidad.
E reto di mañan: Contra Cesar Almeida
Damian Pinas lo topa cara a cara den e division di Middleweight contra e bringado Brasilero Cesar Almeida. Almeida ta un ex-campeon mundial di kickboxing, locual ta priminti un bataya fuerte. Sinembargo, Pinas a demostra caba di kico e ta capaz ora el a suta Wes Schultz den un knockout espectacular den menos di 3 minuut den su debut oficial di UFC na februari ultimo.
Detayenan di e pelea:
- Evento: UFC 329 (Cartelera Inicial / Early Prelims).
- Fecha: Mañan, diasabra 11 di juli, 2026.
- Luga: T-Mobile Arena, Las Vegas, Nevada.
- Oponente: Cesar Almeida (Brasil).
Un yamada na henter Aruba
Ta invita Aruba completo pa sostene Damian y mira e pelea. E pelea lo ta algo pasa di 5:00 di atardi y ta disponibel via e plataformanan oficial di UFC (UFC Fight Pass / Paramount Plus). Tambe lo tin diferente sport bar cu lo pasa e pelea.
