Actualmente Aruba ta bon representa pa dos team den Pinto League na Marion, Illinois.
Den un entrevista cu nos colega Theodoor de Jongh, coach di Team Oranjestad, Sean Toppenberg, el a indica di a cuminsa Team Oranjestad ta bon prepara. Nan a cuminsa tres luna prome cu e preparacionnan, cu training dos bes pa siman, cu diferente sorto di training pa nan ta bon prepara pa e weganan binidero.
E apertura a cuminsa cu un homerun derby y tambe baserunner, cual tabata representa pa Axl Wester y Jizion Boekhoudt respectivamente.
Un grupo grandi di fanaticonan a biaha cu e team pa asina hunto apoya e muchanan den e torneo aki.
Di parti Headlines Group, cas editorial di 24ora.com y bo matutino digital TREMPAN, tur clase di exito na e muchanan.
Aruba ariba!
Playball!!
