Rotaract Club of Aruba a instala oficialmente su directiva nobo pa e aña Rotario 2026–2027 durante un ceremonia special cu a celebra e logronan di e aña pasa y a marca e inicio di un capitulo nobo pa e club.
Presidente saliente Karel Arends a habri e anochi gradiciendo e directiva saliente pa nan dedicacion, compromiso y trabou incansabel durante e ultimo dos aña. Den su palabra, el a haci un repaso di e Proyecto cu a resalta durante e aña y di e reconocimentonan otorga na miembro cu a distingui nan mes door di nan servicio y liderazgo.
Entre e reconocimentonan entrega durante e anochi tabatin:
- Project of the Year
- YOU, Inc. – Excel Professionally & Beyond
YOU, Inc. 2026 ta e seminario anual organisa pa Rotaract Club of Aruba, caminda hoben profesional, empresario y creativo ta bin hunto pa comparti conocemento y explora oportunidad den negoshi, innovacion y crecemento. E tema di e aña
aki, “Orange Economy: Protect Your Creativity, Own Your Future”, a pone enfasis riba e importancia di creatividad, propiedad intelectual y emprendemento como motor pa crea oportunidadnan economico nobo pa Aruba.
Miembro di Aña Endrick Leon
E reconocemento aki a wordo entrega na Endrick Leon pa su dedicacion excepcional, compromiso cu servicio y e impacto positivo cu el a logra crea den un periodo relativamente cortico. Su entusiasmo y liderazgo a inspira otro miembronan y a fortalece e club.
Despues di e reconocimentonan, a sigui cu e ceremonia oficial di instalacion di e directiva nobo, bou di guia di Luisa Arcila, kende oficialmente a asumi e cargo di President di Rotaract Club of Aruba pa e aña 2026–2027.
Durante e ceremonia, Karel Arends a haya tambe e Outstanding Leadership Award como reconocemento pa su liderazgo excepcional y su servicio dedica como presidente durante e periodo 2024–2026, gradiciendo su impacto duradero y compromiso constante cu e club.
Luisa Arcila ta miembro activo di Rotaract Club of Aruba desde 2022 y durante e ultimo añanan el a ocupa di diferente funcion di liderazgo den e organisacion. Awor el ta cla pa lidera e club hunto cu e siguiente directiva:
• Presidente – Luisa Arcila
• Vice-president– Nathania Taylor
• Tesorero – Cary Ann Thiel
• Director of Membership Development – Endrick Leon
• Director of Branding & Social Media – Sofia Arcila
• Immediate Past President – Karel Arends
• General Advisor – Shawn Lopez
Den su discurso, Luisa Arcila a comparti e vision pa e aña nobo, basa riba e tema internacional di Rotaract “Create Lasting Impact” (Crea impacto duradero).
“E tema aki ta recorda nos cu, como lidernan hoben, nos tin e responsabilidad pa crea un cambio cu ta dura. No ta basta participa; nos kier crea impacto real, sostenibel y cu proposito den tur iniciativa cu nos emprende. Nos meta ta pa cada proyecto y cada acto di servicio laga un legado positivo pa nos comunidad y pa futuro di nos club.”
Como parti di e vision ey, e directiva nobo a identifica e siguiente prioridadnan pa e aña 2026–2027:
• Busca mas miembro nobo.
• Organisa mas proyecto practico den comunidad.
• Fortalece desaroyo di liderazgo entre miembronan.
• Contribui na conscientisacion y prevencion di obesidad infantil.
Rotaract Club of Aruba ta expresa su sincero gradicimento na Peanuts, Trilogy, The POV, y tambe na tur miembro di Rotaract y Rotary cu a contribui pa haci e ceremonia di instalacion un anochi special y memorabel.
Rotaract Club of Aruba ta sigura su compromiso pa sigui sirbi e comunidad Arubiano door di proyecto y iniciativa cu ta crea un impacto positivo y duradero.
Personanan entre 18 y 35 aña cu tin interes di bira miembro di Rotaract Club of Aruba ta invita pa tuma contacto via: E-mail: [email protected] Facebook: Rotaract Club of Aruba Instagram: @RotaractAruba.
