Dialuna anochi pa mas of menos 7:00 pm a sosode un accidente na Cumana, net poco pariba di e rotonde. Na prome instante, a pensa cu lo por tabatin herido grave, p’e motibo aki a dirigi diferente patruya na sitio pa asina cera caminda y dirigi e trafico. Tambe a solicita presencia di ambulance.
A resulta cu e situacion no tabata asina grave manera a pensa, aunke tabatin un pasahero femenino cu a resulta levemente herida. Rapid responder tabata e prome na sitio pa atende cu ne y un rato despues ambulance a yega.
Segun por a compronde, un auto marca Chevrolet a dal tras di un Toyota Vitz, probablemente e chauffeur no a logra brake na tempo. E daño na e Chevrolet tabata minimo, pero pa loke ta trata e Toyota si e daño tabata considerabel. Por a nota si cu ambos auto por a sigui core.
