DA y BENU ta uni forsa y a dicidi di traha hunto pa loke ta trata e boticanan BENU na Corsou y Aruba. Na e forma aki, nan lo por cumpli miho cu e necesidad di e consumido, nan por ofrece un surtido mas amplio na miho prijs y nan por ofrece un miho experiencia di compra.
Despues di a habri e prome filial di e relacion nobo aki entre DA y Benu na Bubali, awe tabata na Ponton. Husto riba Dia Internacional di Hende Muhe, pa cual nan tin diferente oferta pa haci regalo na e hende muhe.
DA ta forma parti di Super Retail Holding y BENU ta forma parti di Visser Pharma Group. Visser Pharma Group tin ya mas cu 50 aña caba activo como botica na e islanan. Cu 3 compania farmaceutico di importacion y distribuicion y cu 12 botica na Aruba, Corsou y Sint Maarten, el a crece y a bira un actor importante den e sector di salud.
Super Retail tin mas cu 21 aña activo den e sector di retail riba e islanan ABC cu 7 diferente formula comercial y na total 18 tienda di retail.
E colaboracion lo encera cu BENU ta keda encarga cu tur articulo “over the counter” y remedi. DA lo percura pa tur articulo di cuido personal y tur producto cu no ta remedi (cu ta rekeri receta), incluso e marca DA. Asina ta crea un combinacion di experiencia di compra na estilo di DA y BENU bou di un solo dak.
Banda di esey, e DA-nan nobo lo forma parti di e propagandanan existente di DA y nan lo colabora ora di importa producto. Na e forma aki, DA y BENU lo complementa otro perfectamente y nos lo ta capaz di ofrece un miho experiencia di compra.
Na final, lo converti 3 establecimento BENU na Corsou y 6 na Aruba segun e concepto nobo aki. E prome BENU-DA combinacion a habri dialuna prome di maart na Bubali 72 (dilanti Cheng’s Supermarket) y awe, dialuna 8 di maart, e di dos a habri na Trupiaal (Ponton) y un di tres filial lo habri su siguiente luna.
Na cada compra bo ta spaar Fun Miles!
