Cerbes Chill ta sigui cu nan evento di happy hour na caminda pa Flip Flop Festival diabierna awo dia 20 di April na On the Rocks.
E happy hour lo ta di 5’or di atardi te cu 9’or di anochi, unda cu tur hende lo por disfruta di prijs special cu cerbes Chill tin riba bucket y asina aki gana un ticket general di Flip Flop Festival. Pa gana ticket di Flip Flop Festival ta facil, cu cada compra di 2 bucket, e persona por gana 1 ticket general pa asina disfruta di Flip Flop Festival dia 30 di April.
E ticketnan ta limita, p’esey yega trempan pasobra “op is op”, asina Mitch Bermudez, representante di Chill a indica. Yega trempan na On the Rocks pa asina bo por cumpra 2 bucket y gana ticket p’e festival, unda cu cerbes Chill lo presenta cu e carchinan entre 5:00-9:00pm. E atardi aki e carchinan general lo ta na benta pa 60 florin, mientras cu lo tin un VIP special pa 100 florin cual carchinan tambe ta limita.
Na “On the Rocks” tur hende por cumpra nan carchi of gana esaki pa asina disfruta di Flip Flop dianan 28, 29 y 30 di April. E special riba e ticketnan aki ta obtenibel diabierna awo dia 20 di April solamente na On the Rocks. Cerbes Chill ta invita tur hende pa yega On the Rocks y disfruta di e prijs special riba buckets y gana of cumpra ticket di Flip Flop.
