Diabierna atardi, banda di 5’or, Cuerpo di Bombero a tene su parada, den cuadro di e siman di prevencion di candela. E biaha aki hopi hende a bin acudi pa asina mira e parada, cual a sali for di Cafe The Paddock riba LG Smith Boulevard y a sigui te cu Wilhelminapark. Tabata tin hopi mucha presente y tambe hopi hende bisti na cora. 

E siman aki a habri cu un caminata cu a tuma luga e fin di siman cu a pasa y tambe nan tabata tin un Santo Sacrificio di misa. Y diadomingo awo e siman ta culmina cu un Opendag na Kazerne di Brandweer na Tanki Flip.

Parada di Bombero riba L.G. Smith Boulevard

Posted by 24ora on Friday, October 11, 2019

Durante e parada e bomberonan a demostra nan diferente ekiponan cu nan tin como tambe e ambulance di Imsan a forma parti di e parada. E aña aki tambe tin un grupo di mucha cu a bin join e parada, pa asina nan desfila den nan trahe di color cora. Esaki ta pa concientisa comunidad riba prevencion di candela. Remarcabel ta cu hopi turista tabata tey presente, unda cu nan a saca nan potret di e bunita parada aki.


Comments

comments