Diamars anochi a sosode un atraco arma riba Sunflower Supermarket na Tanki Leendert. Polis a bay pura eynan pasobra e yamada cu a drenta tabata cu tin hende herida. Na yegada a logra haya informacion cu ta cuater homber arma cu machete y cuchiu a drenta den e negoshi. Nan a agredi e persona trahando y lag’e herida. A bay cu cuater boter di Hennessy y tambe 1000 florin cu tabata tin den e caha. Tur cuater tabatin carson preto, sweater cu capuchon bisti y keds. Na salida a core bay zuid. Varios unidad di Polis a ataca e area pa asina mira si por topa e atracadonan. A core den e area di un garage conoci eybanda pasobra eybanda nan a core bay. Testigonan a confirma di a mira cuater homber na careda.
A avisa Atraco Team y tambe a pidi ambulance pa asina bay cu e victima cu herida den pecho. Slachtofferhulp tambe a presenta mirando e situacion di susto cu keda cerca esunnan den e negoshi.
