Algun dia atras, Minister di Finansa Xiomara Maduro a pone un publicacion riba Facebook unda ta referi na algun comentario cu Francis Saladin di Comerciante Uni Aruba (CUA) a haci tocante falta di confiansa riba Departamento di Impuesto (DIMP).
E mandatario a skirbi cu ‘Djis imagina si e 215 empleadonan di DIMP mester tuma e atake aki na serio y no bay cumpra nada mas cerca e miembronan di CUA, ta kico nan lo bisa e ora? Cu nan tin confiansa bek den DIMP?’ Comerciante Uni no ta compronde e declaracionnan aki, si ta un menasa, of si e mandatario kier purba di spanta nan.
“Pa mi esaki ta un atake. Ora bo sali publicamente haci esaki comosifuera e hendenan aki no mester haci negoshi mas cu miembronan di CUA. Pa mi esaki no ta acceptabel.”
Saladin ta bisa cu e ta haya e comerciantenan tin tur libertad di expresa nan preocupacionnan, y sigur no ta accepta e atakenan aki. “Nos ta hasta puntra pa rectifica esaki pasobra esaki no ta tolerabel. Nos ningun momento a sali ataca ningun hende personalmente, y mucho menos e minister. E problema di DIMP ta cay bao e minister aki, ta su responsabilidad pa drech’e.”
Lesa mas den TREMPAN
