Awe merdia pa 12:00 pm a sosode un accidente, ora cu un jeep a pasa raspa un Taxi, pero a opta pa no para. E taxista sinembargo tabata determina pa sigui tras di e autor di e accidente y asina a start un persecucion. Lamentablemente e jeep a bay laga e taxista y asina a opta pa leumay. E taxista a pasa baha e pasaheronan cu tabata den su taxi na hotel.
Pero, ora cu el a bay tank e Taxi cu combustibel, el a topa cu nan na e stacion di gasolin na Palm Beach. Ey e taxista no a perde pa gana y a bay atende cu e turistanan y a bisa nan cu nan mester responsabilisa pa e daño cometi na su vehiculo di trabou. E proceso no a bay facil. E taxista, aunke cortico di estatura, a hay’e ta los poco conopi pa laga e turistanan compronde cu ta den serio e tin e asunto.
Polis a presenta na e sitio y a atende cu e partidonan envolvi. A splica nan cu asina no ta sistema di regla un accidente, aunke cu a splica e turistanan tambe cu e mesun ley cu ta conta na nan pais, ta conta aki na Aruba tambe. Si bo ta envolvi den un accidente, mester pasa y responsabilisa pa e daño cometi pa asina seguro por cubri e daño laga atras.
