Courtyard by Marriott Aruba Resort tin su portanan habri cu un campaña special pa luna di december, y cambio di aña. Eliana Fun, ta conta cu Courtyard by Marriott a habri su portanan bek dia 20 di november ultimo y a cumpli cu expectativa di su clientenan.
Y hunto cu ne a habri su portanan e popular restaurant Allegra Bistro y ta atende publico na e parti di terasa. Diabierna dia 18 di December lo habri parti paden di e restautant, Fun a conta.
Un invitacion special ta bay na e clientenan local pa bin experencia e Allegra Bistro nobo, cu a remodela su menu pa cumpli cu gusto di clientenan. Aunke nan ta atende publico, entrante 18 di december nan ta den full operacion pa brinda nan huespednan un experencia inolvidabel .
“Nos tin protocol di Aruba y di Marriott International cu nos ta pone den practica. Nos ta sigur cu nos ta duna e miho experiencia pa loke ta “dining” y estadia.”A haci cambio for di e menu di desayuno te na esun di dinner. Anochi e huesped por disfruta di un “Anochi Italiano” cu jama ‘WinyterWonder. Esaki ta un ‘three course dinner’.
E tarifa ta solamente 35 dollar y ta inclui tur impuesto. Un bistro ta un restaurant cozy, y aki na Aruba a haci’e mas habri, uzando un terasa, dunand’e un ambiente tropical. Pa haci reservacion por tuma contacto cu nan na 5267717 of manda email na [email protected]Pa hospeda na e hotel tambe Courtyard tin un special pa localnan.
E ta costa 105 dollar pa dia, cu ta inclui dos desayuno y ta valido te cu 20 di december. Despues di e fecha ey ta bini otro special cu ta 139 dollar valido te cu dia 24 di december. Courtyard kier pa e Arubiano cambia e tradicion di keda cas pa cambio di aña. Ta invita nan pa bin pasa cambio di aña den Courtyard by Marriott. E tarifa ta 150 dollar, e tarifa aki no ta inclui impuesto. E cantidad di cambernan pa e prijs aki ta limita.
Por tuma contacto via e mesun number of e-mail ariba menciona. Marriott tin hopi plan pa futuro. Aworaki caba ta duna den seccion di F&B un descuento di 20% (no ta valido durante happy hour) den tur menu na huespednan local. E happy hour ta bek e fin di siman aki, for di 5.30 pa 7’or.
E ta tur dia cu e oferta di two for one na caminda pa e gran apertura di dia 18 di december di Allegra Bistro. Riba 18 y 19 di december lo tin un DJ cu musica pa e invitadonan. Tambe tin e popular ‘Day Pass’ unda por disfruta di e facilidadnan di e hotel pa 50 florin. Esaki ta inclui $20 pa por gasta den F&B.
