Cosecha ta ofrece e siguiente simanan diferente workshops creativo e simanan cu ta bin. E workshops ta inclui les di arte y artesania.
Diamars dia 27 di Maart tin un Aquarelle (“water color”) workshop di e artista Lorraine Evans. Lorraine lo sinja techniek manera “Wet-into-wet”. E workshop ta di 05.00 pm – 07.00 pm.
Edad pa participa ta di 14 anja bai ariba. E prijs ta 50,00 florin inclujendo material y refreshment.
Diaranson dia 28 di Maart tin un workshop Arte cu aros di e artesana Merveline Geerman. Sinja con pa traha cu e material di aros (tinja, forma, etc.) y traha un piesa riba canvas. E workshop ta di 05.30 pm – 08.00 pm.
E edad pa participa ta di 12 anja bai ariba. E prijs ta 55,00 florin inclujendo material y refreshment.
Diabierna dia 30 di Maart ta cuminsa e workshop Pinta potret cu potlood di e artista Lorraine Evans. Sinja midi y mas techniek pa por pinta un potret. E workshop aki ta consisti di tres les y e fechanan di e workshop ta 30 di Maart, 06 y 20 di April. E workshop ta di 05.00 pm – 07.00 pm.
E edad pa participa ta di 14 anja bai ariba. E prijs ta 125,00 florin inclujendo material y refreshment.
Diasabra dia 31 di Maart tin un workshop Pinta bo egg holder di e artesana Romelinda Maldonado. Pinta segun propio creatividad y bou guia di Romelinda un egg holder pa Pasco Grandi. Romelinda tambe lo duna demonstracion con pa traha e egg holder cu ta traha cu material recicla. E workshop ta di 11.00 am – 12.30 pm.
E prijs ta 20,00 florin inclujendo material y refreshment.
Diasabra dia 7 di April ta cuminsa e workshop Weaving art di Jess Wolff. Sinja basis techniek di weven. E workshop aki ta consisti di dos les y e fechanan di e workshop ta 7 y 14 di April. E workshop ta di 04.00 pm – 06.00 pm.
E edad pa participa ta di 12 anja bai ariba. E prijs ta 55,00 florin inclujendo material y refreshment.
Inscripcion ta necesario y esaki ta tuma lugar na Cosecha San Nicolas of na Cosecha Oranjestad. Pa mas informacion por tuma contacto cu Cosecha San Nicolas na telefoon 5878708 of Cosecha Oranjestad na telefoon 5878709. Tambe por manda un email na [email protected].
Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.
