Awa parce lo a cay den un coneccion di coriente na Che Bar. Mesora trahadonan a yama polis y avisa cu Che Bar tabata na candela. E spatnan di e corto circuito a pone e nan bati alarma. A avisa bombero y Polis pa presenta cu urgencia.
Ora cu e prome unidad di Polis a yega na e sitio, ya caba e situacion tabata calma. Bomberonan tambe a presenta y nan a bay mira kiko a sosode. Asina a tende di e trahadornan cu e awa cu lo a muha e cashi di coriente a causa e chispanan cu a spanta tur hende. Despues cu Bombero y autoridad a mira cu e situacion tabata bou di control, nan a bandona e sitio. Parce cu mesun trahadornan cu a bati alarma a drenta den accion tambe y controla e situacion na tempo.
