Diaranson ultimo tabatin uitspraak di e caso cu Clarisca Velasquez, funcionario policial, a entabla contra Minister di Husticia y Mando Policial. E motibo ta cu ainda no a kita e schorsing y prohibicion pa drenta Warda di Polis.
Durante tratamento di e caso abogado di Clarisca a cuestiona e hecho cu tur e otro polisnan geschors hunto cu ne a bay traha caba. Y no por splik’e pakico no ta permitie reanuda su trabou. E hurista di Gobierno a splice cu e motibo cu no por lague traha ainda ta pasobra tin un investigacion andando ainda riba e keho cu el a entrega pa leakmento di su informacion personal pa prensa.
Awo Velasquez ta pendiente di tratamento di su caso den bodemprocedure, cual lo tuma luga aki un siman. E ta un caso mas profundo, unda nan lo tin mas chens pa bay den detayes. Mientras tanto Hefe di Cuerpo Policial diasabra awo lo mester dicidi riba e schorsing.
