Aki tres luna Gobierno y e ciudadano sra. Balentina di Parkietenbos lo topa un biaha mas den Corte pa mira kico a haci na e dump.
T’asina cu e ciudadano a cuminsa un caso sumario pidiendo Gobierno pa atende cu e dump, e kier pa Gobierno tuma cierto medida pa e molesternan cu e dump aki ta causa. Esaki ta e holo malisimo cu bario tin cu soporta, e candelanan cu continuamente tin riba e dump.
Gobierno pa medio di su Abogado Mayesi Hammoud, di Corsou, a splica tur e esfuersonan cu Gobierno di Aruba a bin ta haciendo den ultimo aña pa trece solucion pa e problema, a duna ehempel di pasonan concreto tuma caba y ki plannan tin pa sigui en busca di un solucion definitivo.
Na final Hues a propone e demandante pa wanta e caso tres luna. Cu e periodo aki ta duna Gobierno espacio pa caba di implemente e solucionnan cu tin poni riba papel cu lo alivia e molester di e habitantenan.
Pues aki tres luna e partidonan lo presenta na Corte bek pa informa kico tur a haci den e periodo ey, pa mira si mester bini un decision of a keda satisfecho cu loke a wordo haci.
