DIMAS durante e crisis di coronavirus a sigui funciona online y despues cu un skeleton crew a sigui funciona. E crisis, segun relacionista publico Marylin Wout, a accelera nan plannan pa modernisa e sistema di servicio.
E adaptacion di e forma di traha mester a tuma luga hopi rapido, sin duna DIMAS e chens di conscientisa e ciudadanonan, kendenan tabata custumbra di acudi personalmente cu nan documentonan. Tin hopi cliente ta contento cu por a entrega nan documentonan online, specialmente estanan cu tabata den exterior. P’esey ta importante cu tur esnan cu ta haci uzo di servicio di DIMAS tin e email corecto registra. Nan ta manda tur peticion cu ta cla via email
E departamento a ricibi 2000 peticion via di e sistema digital, cu no ta diferente di ora cu nan ta traha segun e sistema tradicional. Aworaki ta den evaluacion ainda con ta bay haci den futuro cercano, esta cuanto parti di e operacion ta bay tan a DIMAS y cuanto via e sistema digital. Mester bini cu un evaluacion y basa riba e demanda di e publico tambe.
E cambio lo ta pa e empleadonan tambe, pero e ta un forma di traha mas den forma digital, enbes di traha directamente cu e cliente.
Ademas di esaki, e portal nobo di DIMAS ta casi cla. A haci algun test caba y a constata cu mester haci algun adaptacion prome cu introduci esaki na publico. A lo largo mayoría cos ta pasa via di e portal, inclusive haci pagonan necesario
